Búgin - Bezgek aýrýyna qarsy kúresýdiń búkilálemdik kúni

Bezgek indeti búginde álem halqynyń 40 paıyzyna qaýip tóndirýde. Jyl saıyn 500 mıllıonnan astam adam bezgekpen aýyryp, bir mıllıonnan astam adam osy keselden kóz jumady. Eń aýyr salmaq Afrıkanyń Saharadan ári qaraı ońtústigine túsedi, biraq bul dert adamdardy Azııada da, Latyn Amerıkasynda da, Taıaý Shyǵysta da, tipti Eýropanyń keıbir bóliginde de jalmaıtyn kórinedi.

2007 jyly Dúnıejúzilik densaýlyq saqtaý assambleıasynyń mamyr aıyndaǵy sessııasynda bekitilgen Búkilálemdik bezgekke qarsy kúres kúni - bul bezgekke qarsy tıimdi kúres júrgizýdi qamtamasyz etý boıynsha jahandyq kúsh jumyldyrý qajettigin moıyndaý kúni. Bul kúni óz aýmaqtarynda aýrý tarap ketken elder - óz kúsh-jigerlerin bir-birimen tájirıbe almasyp, birin-biri qoldaýǵa jumyldyrady; al jańa donorlar - bezgekke qarsy kúres jolynda jahandyq áriptestikpen birlesip qımyldaýǵa kúsh salady.