Búgin Baıqońyrda «Progress M-29 M» ǵarysh júk kemesi ushyrylady (FOTO)
Roskosmostyń baspasóz qyzmetiniń habarlaýynsha, ǵarysh júk kemesi ǵarysh aılaǵynyń №1 alańyna ornalastyryldy. Zymyran-ǵarysh salasynyń mamandary ushý aldyndaǵy ushyrý kesheniniń júıeleri men zymyran tasyǵyshty tekserý jumystaryn aıaqtaǵaly jatyr. Búgin memlekettik komıssııa zymyran tasyǵyshtyń janar-jaǵar maı quıý men ushyrtýǵa daıyndyǵy jóninde sheshim qabyldaýy tıis.
«Progress M-29M» ǵarysh júk kemesin ushyrtý 1 qazanǵa Astana ýaqytymen saǵat 22:49 josparlanǵan.
Júk kemesi Halyqaralyq ǵarysh stansasyna (HǴS) shamamen 2,5 tonna «qurǵaq» júk, janar-jaǵar maı komponentterin, sý men gaz qoryn, sonymen qatar ǵylymı tájirıbelerge arnalǵan qondyrǵylardy jetkizýi tıis. Sonymen qatar, «Progress M-29M» stansa quramyndaǵy túrli operatsııalarǵa, qaldyqtardy shyǵarý men qondyrǵylardy shyǵarýǵa jumyldyrylady, dep atap ótti Roskosmostyń baspasóz qyzmetinen.