Búgin batysta kún jylysa, shyǵysty aıaz býady - Qazgıdromet
ASTANA. QazAqparat - 9 aqpanda Qazaqstannyń basym bóliginde antıtsıklonnyń yqpaly saqtalady, jaýyn-shashynsyz aýa-raıy kútiledi. Tek respýblıkanyń ońtústik-shyǵysynda bıiktik jyrasymen baılanysty turaqsyz aýa-raıy kútiledi: keı jerlerde jaýyn-shashyn, tuman, kóktaıǵaq bolady, jel 15-20 m/s deıin kúsheıedi, dep habarlaıdy «Qazgıdromet».
Iran aýdandarynan engen jyly aýa massalary respýblıkanyń batys aımaqtaryndaǵy aýa raıyna áser etedi, atap aıtqanda, túnde 0+5 jyly, keı jerlerde -5 gradýs aıaz, kúndiz 2+7 gradýs jyly, keı jerlerde - 3 gradýs aıaz bolýy yqtımal. Respýblıkanyń soltústik jáne ortalyǵynda temperatýranyń aýytqýy kútiledi: túnde 17-25, kúndiz 8-15 aıaz shamasynda bolady. Aıazdy aýa-raıy shyǵysta kútiledi, temperatýra túngi ýaqytta 23-28, keı jerlerde 35 aıazǵa deıin, kúndiz 15-23 aıazǵa deıin tómendeıdi.
