Búgin batysta kún ysysa, shyǵys pen ortalyqta kúrt sýytady - Qazgıdromet
ASTANA. QazAqparat - 2014 jylǵy 9 maýsymda soltústik pen ońtústik-shyǵysta atmosferalyq aǵyndardyń ótýine baılanysty aýa raıy turaqsyz bolady dep kútilýde, dep habarlaıdy «Qazgıdromet» RMK. Jer-jerlerde kún kúrkirep, jaýyn jaýyp, jel kúsheıedi, keı aýdandarda tuman túsedi, al qalǵan aýmaqtar jaýyn-shashynsyz bolady.
Almaty, Jambyl oblystarynda, kúndiz Qostanaı oblysynda keıbir aımaqtaryda jel 15-22 m/s-qa kúsheıip, kún kúrkireıdi.
Soltústik Qazaqstan oblysynda - kúndiz keı jerlerde jel 15-20 m/s deıin kúsheıedi, kún kúrkireıdi. Qyzylorda oblysynyń keıbir aımaqtarynda jeldiń kúshi 15-20 m/s-qa jetip, shań kóteriledi, túnde tuman túsedi dep kútilýde. Mańǵystaý, Shyǵys Qazaqstan oblystarynda túnde jer-jerlerde kún kúrkireıdi dep kútilýde. Túnde Aqmola, Qaraǵandy, Shyǵys Qazaqstan oblystarynyń keı jerlerinde 0-5 gradýsqa deıin sýyq bolady. Kúndiz Atyraý, Batys Qazaqstan oblysynyń keı aýdandarynda qatty ystyq bolady dep kútilýde. Respýblıkanyń batysynda, soltústik-batysynda, ońtústiginde, ońtústik-shyǵysynda jáne ortalyqta jer-jerlerde órt qaýiptiligi kútilýde.
