Búgin batys, ońtústik óńirlerde kún ysyp, eldiń soltústiginde burshaq jaýýy yqtımal
ASTANA. QazAqparat - Atmosferalyq aǵyndardyń ótýine baılanysty Qazaqstannyń basym aımaqtarynda qubylmaly aýa raıy saqtalady, keı jerlerde naızaǵaımen birge jańbyr kútiledi, jeldiń kúsheıýi, burshaq bolýy múmkin, dep habarlaıdy Qazgıdromet.
Respýblıkanyń batysy men ońtústiginde jaýyn-shashynsyz ystyq aýa raıy saqtalady.
Soltústik Qazaqstan, Pavlodar oblystarynda jel 15-20, keı jerlerde ekpini 25 m/s kúsheıedi, burshaq bolýy múmkin.
Aqmola, Shyǵys Qazaqstan, Aqtóbe oblystarynyń keı jerlerinde jeldiń jyldamdyǵy 15-20 m/s jetip, burshaq jaýýy yqtımal.
Qostanaı oblysynda keı jerlerinde jeldiń kúshi 15-20, ekpini 23 m/s jetedi.
Batys Qazaqstan, kúndiz Atyraý, Jambyl, Qaraǵandy oblystarynda jel turady, jyldamdyǵy - 15-20 m/s. Kúndiz Qyzylorda, Manǵystaý oblystarynyń keı jerlerinde jeldiń kúshi 15-20 m/s jetip, shańdy daýyl kóteriledi.
Kúndiz Kyzylorda, Almaty, Jambyl, Ońtústik Qazaqstan, Batys Qazaqstan, Qostanaı, Qaraǵandy oblystarynda aptap ystyq. Sondaı-aq, Mańǵystaý, Atyraý, Aqtóbe oblystarynda da óte qatty ystyq bolady.
Qyzylorda, Ońtústik-Qazaqstan, Qaraǵandy, Qostanaı, Atyraý, Batys-Qazaqstan oblystarynyń keı jerlerinde óte joǵary órt qaýpi saqtalady.
