Búgin batys óńirlerde qatty jel soǵady - Qazgıdromet
ASTANA. QazAqparat - Qazaqstan aýmaǵynyń basym bóliginde aýa raıy jaýyn-shashynsyz bolady, dep habarlaıdy «Qazgıdromet» RMK.
Tek respýblıkanyń soltústik, ortalyq jáne shyǵys bólikteriniń keı jerlerinde jańbyr jaýady, naızaǵaı oınap, batys bóliginde ekpindi jel, túnde soltústik aýdandardyń keı jerlerinde tuman túsedi.
Atyraý, Batys Qazaqstan, kúndiz Jambyl jáne Mańǵystaý oblystarynyń keı jerlerinde jeldiń ekpini 15-20 m/s kúsheıedi. Túnde jáne tańerteń Soltústik Qazaqstan oblysynyń keı jerlerinde tuman bolady. Atyraý oblysynda, Batys Qazaqstan, Aqtóbe oblystarynyń keı jerlerinde kúndiz qatty ystyq saqtalady. Ońtústik Qazaqstan, Almaty oblystarynyń keı jerlerinde óte joǵary órt qaýipi saqtalady.
