Búgin batys aımaqta kún qatty ystyq bolady
«Áli de tsıklon jáne onymen baılanysty atmosferalyq frontaldy bólikter Qazaqstannyń basym bóligindegi aýa raıyn anyqtaıdy, elimizdiń shyǵysynda, ońtústik-shyǵysynda naızaǵaımen birge jańbyr jaýyp, burshaq jáne daýyl kútiledi. Respýblıka boıynsha jel kúsheıip, ońtústikte shańdy daýyl soǵady», - dep jazdy sınoptıkter.
Batys Qazaqstan, Atyraý, Aqtóbe oblystarynyń basym bóliginde, Mańǵystaý, Qostanaı oblystarynyń ońtústiginde qatty ystyq kútiledi.
Jambyl, Qyzylorda, Túrkistan, Mańǵystaý oblystarynyń basym bóliginde, Ulytaý, Qostanaı, Aqtóbe, Qaraǵandy oblystarynyń ońtústiginde, Atyraý oblysynyń batysynda, Jetisý oblysynyń soltústik-batysynda, Pavlodar oblysynyń soltústiginde, batysynda tótenshe órt qaýpi saqtalady.
Jetisý, Almaty, Soltústik Qazaqstan oblystarynyń basym bóliginde, Abaı oblysynyń soltústik-batysynda, ońtústiginde, Aqmola oblysynyń soltústiginde, Batys Qazaqstan oblysynyń ońtústik jartysynda, Shyǵys Qazaqstan oblysynyń batysynda, ońtústiginde, shyǵysynda joǵary órt qaýipi saqtalady.
