Búgin basketboldan erler arasynda Azııa kýbogy bastalady
NUR-SULTAN. QazAqparat – Búgin Indonezııa astanasy Djakarta qalasynda basketboldan erler arasynda Azııa Kýbogy bastalady, dep habarlaıdy QazAqparat tilshisi.
Azııa kýbogy 12-24 shilde aralyǵynda ótkiziledi. Qazaqstandyq basketbolshylar S tobynda synǵa túsedi. Qarsylastary – Japonııa, Iran, Sırııa quramalary.
Ulttyq qurama búgin Japonııamen sheberlik baıqasady. Al 15 shildede Iranmen, 17 shildede Sırııamen kezdesedi.
Ulttyq qurama sapynda Shaım Qýanov, Vladımır Ivanov, Vadım Şerbak, Rýstam Myrzaǵalıev, Anton Bykov, Roman Marchýk, Robert Pan, Dmıtrıı Gavrılov, Maksım Marchýk, Rýslan Aıtqalı, Oleg Balashov el namysyn qorǵaıdy.
Azııa kýbogyna qazaqstandyq basketbolshylar 10-márte qatysyp otyr.
Azııa Kýbogy eń alǵash ret 1960 jyly ótkizilgen. Sary qurlyq komandalary úshin asa mańyzdy jarys bolyp sanalady. Atalǵan týrnır Álem Kýbogy jáne Olımpıada oıyndaryna irikteý jarysy retinde ótedi.
Eske salsaq, budan buryn búkilálemdik oıyndarda medal sany jóninen Qazaqstan 14-orynǵa kóterildi.
Foto:mignews.com
