Búgin «Barys» hokkeıshileri Qazannyń «Aq barsymen» kúsh synasady
ASTANA. 28 qańtar. QazAqparat - Búgin astanalyq «Barys» hokkeı klýby syrt alańda Tatarstannyń «Aq bars» (Qazan qalasy) komandasymen kezdesedi.
Negizi, «Aq bars» - bizdiń hokkeıshiler úshin yńǵaısyz qarsylastardyń biri. Sebebi buǵan deıin ótken matchtardyń basym bóliginde «Barys» utylyp, qarsylasyna jol berip otyrdy. Qurlyqtyq hokkeı lıgasynyń pleı-off oıyndaryna shyqqan kezde de únemi osy «Aq barsqa» tap bolyp, jarys jolynan shyǵyp qalatyn. Jalpy, bul komandamen ótkizgen 10 oıynnyń tek 2-3-ýi ǵana bizdiń paıdamyzǵa sheshildi.
Qurlyqtyq hokkeı lıgasynyń búgingi kestesine sáıkes, «Aq bars» 95 upaımen úshinshi orynda tur. Al astanalyq «Barys» hokkeı klýby sońǵy oıynnan keıin barlyǵy 73 upaıǵa qol jetkizip, 10-shy orynǵa kóterildi.
Aıta keteıik, búgingi oıyn keshki saǵat 21.00-de bastalady. Ony «Astana» telearnasynan tikeleı efır arqyly kórýge múmkindik bar.
