Búgin Balqashta aýa sapasy nasharlaıdy
NUR-SULTAN. QazAqparat – 6 sáýirde Qazaqstan qalalarynyń basym bóliginde jaǵymdy meteorologııalyq ahýal kútiledi, dep habarlaıdy QazAqparat.
«Qazgıdromet» RMK málimetinshe, búgin atmosferalyq aýanyń lastanýy tek Balqash qalasynda boljanady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
