Búgin - balalardy qorǵaýdyń halyqaralyq kúni atalyp ótiledi

Jyl saıyn ótkiziletin balalardy soǵys qaýpinen qorǵaý, densaýlyǵyn saqtaý kúnin atap ótý 1949 jyly Áıelderdiń Halyqaralyq demokratııalyq federatsııasy keńesiniń sessııasynda qabyldanǵan. Alǵash ret 1950 jyly 51 elde atap ótildi.

Halyqaralyq balalardy qorǵaý kúni elimizde keńinen atalyp ótiledi.

Qazaqstannyń memlekettik organdar men úkimettik emes uıymdarynyń ókilderi merekelik sharalar uıymdastyrady. Balalarǵa arnalǵan teatrlyq kórinister, baıqaýlar uıymdastyrylyp, olarǵa syılyqtar tapsyrylady.

Qazaqstanda 2007-2011 jyldarǵa arnalǵan «Qazaqstan balalary» baǵdarlamasy bekitilgen, baǵdarlamanyń maqsaty balalardyń ómir súrý sapasyn áleýmettik jáne quqyqtyq kepildikterdi qamtamasyz etý jolymen jaqsartý bolyp tabylady.

QR Bilim jáne ǵylym mınıstrligi Balalar quqyǵyn qorǵaý jónindegi komıtettiń tóraǵasy Raısa Sherdiń aıtýynsha, 1 maýsym - Balalardy qorǵaý kúni elimizde balalar kınoteatrlar men attraktsıondarǵa tegin kire alady.

«Birinshi maýsym kúni elimiz aımaqtarynda balalar úshin alańdarǵa, oıyn-saýyq keshenderine, kınoteatrlar men teatrlarǵa kirý tegin bolady. Olarǵa oqý jylynan keıin demalýǵa jaǵdaılar jasalady», - dep atap ótti ol.

«Bul kúni barlyǵyn tegin etý úshin biz barlyq oıyn-saýyq mekemelerimen sóılestik. Onymen birge, balalardyń qoǵamdyq kólikte tegin júrý máselesin qarastyrdyq», - dedi tóraǵa.

Málim bolǵandaı, 1 maýsym kúni sondaı-aq respýblıka boıynsha bir aıǵa jalǵasatyn «Qazaqstan, biz seniń balalaryńbyz!» atty respýblıkalyq aktsııa bastaý alady. Onyń aıasynda túrli mýzykalyq baıqaýlar men merekelik sharalar ótkiziledi.

Merekeni uıymdastyrýǵa jergilikti jáne respýblıkalyq bıýdjettiń 40 mln.-ǵa jýyq teńgesin jáne demeýshilerdiń 40-45 mln. teńgesin jumsaý kózdelip otyr.