Búgin - Bala eńbegin paıdalanýǵa qarsy búkilálemdik kúres kúni

2002 jyldyń 3-20 maýsym kúnderi aralyǵynda ótken Halyqaralyq eńbek uıymy Bas konferentsııasy sessııasynyń sheshimimen jyl saıyn atap ótiledi.

Bul kún, álemde keńinen júrgizile bastaǵan bala eńbegin paıdalanýǵa tyıym salý qozǵalysyna nazar aýdartý maqsatynda belgilendi. Onyń nátıjesi boıynsha Halyqaralyq eńbek uıymynyń «Jumysqa qabyldaýdyń eń tómengi jasy» №138-inshi jáne «Bala eńbeginiń eń turpaıy túrlerine tyıym salý jáne olardy joıý boıynsha shuǵyl is-sharalar boıynsha» №182-inshi Konventsııalaryn qabyldaǵan elderdiń sany artty. Qazaqstan bul Konventsııany 2002 jyldyń 26 jeltoqsanynda ratıfıkatsııalady.

Búginde álemde mıllıondaǵan balalar eńbegi ekonomıkalyq qyzmettiń túrli salalarynda paıdalanylyp keledi. Balalar men jasóspirimder fermalar men plantatsııalarda jumys isteıdi, kólikterdi jýyp, qaıyr suraıdy. Kámeletke tolmaǵandar qaýipti jumystarǵa tartylǵan.

Ásirese, eńbektiń eń óreskel túrleriniń etek jaıýy asa úlken alańdaýshylyq týdyryp otyr. Olarǵa balalar quldyǵynyń barlyq túrleri jatqyzylady  - kámeletke tolmaǵandardy quqyqqa qarsy nemese  zańsyz isterge tartý, olardy esirtkilerdiń óndirisi men taratylýyna aralastyrý.  Bul tizimge óziniń sıpaty men jaǵdaıy boıynsha balalardyń densaýlyǵyna, qaýipsizdigine jáne adamgershilik tárbıesine nuqsan keltiretin jumystardyń túrleri engizilgen.