Búgin aýa raıy qandaı bolady: Qazgıdromet boljamy
NUR-SULTAN. QazAqparat – «Qazgıdromet» RMK-sy 14 jeltoqsandaǵy kún raıyna baılanysty boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, 14 jeltoqsanda Qazaqstan aýmaǵynyń basym bóligi antıtsıklonnyń yqpalynda bolady, soǵan baılanysty kún jaýyn-shashynsy bolady. Tek elimizdiń ońtústik-shyǵysynda frontaldyq bólikterdiń ótýine oraı kún qubylmaly bolady, jaýyn-shashyn, taýlarda nóser jaýyn (jańbyr, qar) jaýady.
Aqmola oblysynyń soltústiginde, Batys Qazaqstanda, Soltústik Qazaqstannyń ońtústiginde, Pavlodar oblysynda, Qostanaı oblysynyń shyǵysynda tuman túsedi.
Almaty oblysynyń soltústiginde jáne shyǵysynda – tuman túsip, jeldiń jyldamdyǵy sekýndyna 15-20 m/s-qa jetedi.
Túrkistan oblysynyń soltústiginde, batysynda, taýly jáne taý bókterli aýdandarynda tuman túsip, kóktaıǵaq bolady, kúndiz taýly asýlarda jeldiń jyldamdyǵy sekýndyna 15-20 m/s-qa deıin kúsheıedi.
Mańǵystaý oblysynyń batysynda, kúndiz Atyraý oblysynda jeldiń jyldamdyǵy sekýndyna 15-20 metrge deıin jetedi.
Shyǵys Qazaqstan oblysynyń batysynda 15-20 m/s-ke deıin jel kúsheıip, jaıaý burqasyn soǵady. Qyzylorda oblysynyń ortalyǵynda – tuman túsip, túnde ońtústiginde kóktaıǵaq bolady.
Jambyl oblysynyń soltústiginde, taýly jáne taý bókterli aýdandarynda tuman túsip, kóktaıǵaq bolady, taýly aýdandarda jel sekýndyna 15-20 m/s jyldamdyqpen uıtqıdy.
