Búgin atyraýlyqtar qoǵamdyq kólikte tegin qatynap júr
ATYRAÝ. QazAqparat – Búgin atyraýlyqtar qoǵamdyq kólikte tegin qatynap júr, dep habarlaıdy QazAqparat.
Budan buryn atyraýlyqtar 22 naýryzda qoǵamdyq kólikte tegin júretinin jazǵan bolatynbyz.
Atyraý qalalyq ákimdigi Ulystyń uly kúni – Naýryz merekesine oraı turǵyndar men qonaqtardy qoǵamdyq kólikte tegin tasymaldaý jóninde bastama kótergen.
«Bul bastamaǵa jolaýshy tasymaldaıtyn kásiporyndardyń basshylary qoldaý bildirdi. Ákimdik pen kásiporyndar arasyndaǵy kelisimge sáıkes búgin, 22 naýryzda Atyraý qalasyndaǵy barlyq baǵytta jolaýshy tasymaldaıtyn qoǵamdyq kólikterde jolaqy tegin bolady. Bul múmkindikti jas ereksheligine qaramastan barlyq jolaýshy paıdalana alady», -dep málim etti ákimdiktiń baspasóz qyzmeti.
Al, ónerpazdar avtobýstarda jolaýshylarǵa merekelik kóńil kúı syılap, ánnen shashý shashty.
