Búgin Astananyń astana atanǵan kúninde estrada jáne balet juldyzdarynyń qatysýymen kontsert bolady
ASTANA. 10 jeltoqsan. QazAqparat - Búgingi kún - tek elorda úshin ǵana emes, barsha Qazaqstan úshin ataýly kún.
16 jyl buryn (1997 jylǵy 20 qazanda) Qazaqstan Respýblıkasynyń Prezıdenti Nursultan Nazarbaevtyń Jarlyǵyna sáıkes 1997 jylǵy 10 jeltoqsanda Aqmola qalasy resmı túrde Qazaqstan Respýblıkasynyń astanasy bolyp jarııalandy. Bul jas qalanyń tarıhyndaǵy alǵashqy eleýli kún boldy, al 1998 jylǵy 6 mamyrda qala jańasha atalyp, jańa ómirge endi, Astana egemendi Qazaqstannyń nyshanyna aınaldy.
Búgin elordany kúshirý kúnine oraı qalada merekelik kontsert ótedi, dep habarlaı Astana qalasy ákiminiń baspasóz qyzmetinen.
Beıbitshilik jáne Kelisim saraıynda «Astana Opera» memlekettik opera jáne balet teatrynyń jeke oryndaýshylary, «Astana Ballet», «Terra» bı teatry óz ónerlerin ortaǵa salady. Sondaı-aq, qazaqstandyq estrada juldyzdary Astana týraly súıikti ánderin shyrqaıdy. «Saryn» dýeti «Birge bolaıyk», Maqpal Isabekova men Qaırat Baekenov «Pervoe ýtro stolıtsy», «Mýzart» toby «Esil aǵady», «Óz elim» óleńderin oryndaıdy. Saltanatty is-sharanyń sońynda kontsertke qatysýshylar «Astana» ánin aıtady.
