Búgin Astanadaǵy Jastar saraıynda Halyqaralyq teatr festıvali ashylady
ASTANA. QazAqparat - Búgin 12:00-de Astanadaǵy Jastar saraıynda "Sahnadan sálem" Halyqaralyq teatr festıvaliniń saltanatty ashylý rásimi bolady. Bul týraly búgin Ortalyq kommýnıkatsııalar qyzmetinde ótken brıfıngte Q.Qýanyshbaev atyndaǵy akademııalyq qazaq mýzykalyq-dramalyq teatrynyń kórkemdik jetekshisi Bolat Uzaqov aıtty.
"Bıylǵy festıvaldiń ereksheligi - halyqaralyq deńgeıge kóterilip, sheteldik teatrlardyń shaqyrylýy. Sonymen qatar, sheteldik sarapshylar men synshylar da kelip otyr. Bul osymen ekinshi ret uıymdastyrylyp otyrǵan festıvalimizdiń deńgeıi kóterilip kele jatqanynyń belgisi, - dep atap ótti ol. Kórkemdik jetekshiniń aıtýynsha, bıylǵy festıvalge qatysatyn teatrlardyń jalpy sany - 13. Olardyń ishinde Daǵystan men Túrkııadan da teatrlar bar. Astanadan 4 teatr qatysady, onyń bireýi - qýyrshaq teatry. Qalǵan 9 teatr elimizdiń óńirlerinen keledi. "Astana qonaqtary men turǵyndary 1-6 shilde aralyǵynda atalǵan teatrlardyń ónerin tamashalaı alady. Qýyrshaq teatrlary ár kúni saǵat 11:00- de bastalsa, drama teatrlardyń qoıylymdary 16:00 jáne 19:00-da bastalady. Al shildeniń 6-synda festıvaldiń saltanatty jabylýy ótedi", - dedi B. Uzaqov.
