Búgin Astanadaǵy Ulttyq akademııalyq kitaphanada «Baǵdarsham jáne onyń dostarynyń bastan keshkenderi» atty mýltfılmniń tanystyrylymy bolady
ASTANA. Mamyrdyń 18-i. QazAqparat /Aıdar Ospanalıev/ - Búgin, jazǵy demalys qarsańynda Qazaqstan Respýblıkasynyń Ulttyq akademııalyq kitaphanasynda «Baǵdarsham jáne onyń dostarynyń bastan keshkenderi» atty mýltfılmniń tusaýkeseri ótedi,
dep habarlaıdy QazAqparat.
Jobanyń ıdeıasyn usynýshy ári oǵan qarjylaı kómek kórsetýshi «Shevron» kompanııasy. Al jobany tikeleı júzege asyrýshy Qazaqstannyń alǵashqy oqytý telearnasy - "Bilim". Jobaǵa Qazaqstan Respýblıkasynyń Bilim jáne ǵylym mınıstrligi qoldaý kórsetken.
Jobany uıymdastyrýshylardyń pikirlerinshe, balalardy jol erejesin saqtaýǵa úıretý, óskeleń urpaqty tárbıeleýdegi mańyzdy máselelerdiń biri. Sondyqtan oǵan múmkindiginshe kópshiliktiń nazaryn aýdarý qajet. «Osyǵan qaraı búgin elimizde alǵash ret jolda júrý tártibine baılanysty orys jáne qazaq tilderinde oqytatyn jáne bilim beretin mýltfılm shyǵarylyp otyr. Osy mýltfılm arqyly balalar óte kórnekti jáne qyzyqty túrde jolda júrý erejelerin úırenedi», dedi «Bilim» telearnasynyń bas dırektory Sáýle Tastúlekova.
Onyń sózine qaraǵanda, búgin balalarda jol qaýipsizdigi erejelerin saqtaý máselesine kóńili bólinip, aıtýyndaı-aq aıtylyp keledi. Alaıda bul baǵyttaǵy jumystardy barynsha jetildire túsken jón.
Qazaqstan Respýblıkasynyń Jol polıtsııasy komıtetiniń derekteri boıynsha, 2009 jyly respýblıka joldarynda balalardyń qatysýymen 1 myń 915 jol-kólik apaty oryn alyp, nátıjesinde 1
myń 910 bala jaraqat alǵan. Al 183 bala mert bolǵan. «Sondyqtan balalarǵa jolda júrý mádenıetin erte jastan, mektep jasynan bastap qalyptastyrǵan jón. Al ertegi túrinde jasalǵan mýltfılm jolda júrý erejelerin túsinýdiń eń tıimdi ári jeńil túri. Jobany júzege asyrý barysynda respýblıkanyń kóptegen mektepke deıingi, mekteptik jáne basqa mekemeleri mýltfılmniń kóshirmelerine ıe bolyp, ony jol júrý qaýipsizdigin úıretýdegi oqý quraly retinde paıdalana alady. Bul tájirıbeni eń alǵashqy paıdalanýshylar Astana qalasynyń bilim berý mekemeleri bolyp otyr», deıdi jobany uıymdastyrýshylar.
Sondaı-aq olardyń málimetterinshe, jol júrý qaýipsizdigin saqtaý «Shevron» kompanııasynyń búkil álemdegi atqaratyn qyzmetiniń bir bóligi. Kompanııa osy keleli máseleni sheshýge belsene atsalysyp, jergilikti halyqtyń jol-kólik apaty saldarynan jaraqat alý jáne mert bolý jaǵdaılaryn azaıtýǵa jáne aldyn alýǵa úlesin qosady.
