Búgin Astanadaǵy eń bıik jańa qonaqúı alǵashqy kelýshilerin qabyldaıdy
ASTANA. QazAqparat - Astanadaǵy qazirgi tańdaǵy eń bıik meımanhananyń terezesinen qala kórki erekshe kózge túsedi. Bul «Astana Marriot Hotel» búgin qala turǵyndary men qonaqtaryna óz esigin aıqara ashpaq.
«Marriot» brendiniń barlyq standarttaryna saı salynǵan meımanhana sol jaǵalaýdaǵy Dostyq kóshesinde ornalasqan. 28 qabatty meımanhanada 271 jaıly bólme, 6 ámbebap konferentsııa zaly men 3 meıramhana, sonymen birge jabdyqtalǵan jattyǵý zaly men jabyq basseıni bar densaýlyq klýby ornalasqan. Kelýshilerdi tánti etý úshin ǵımarattyń eń tóbesine bar ornalastyrylǵan. Bul jerden qala alaqandaǵydaı kórinedi. Halyqaralyq deńgeıdegi meımanhananyń ashylýy elordada týrızmdi damytýdyń mańyzdy jobasy bolyp tabylady. Ol shetel qonaqtarynyń jıi kelýine jáne Astana men elimizdiń ımıdjin arttyrýǵa oń yqpalyn tıgizbek, dep habarlaıdy elorda ákimdiginiń resmı saıty.
