Búgin Astanada Jastar hokkeı lıgasynyń jeńimpazy anyqtalady
ASTANA. QazAqparat - Elordaǵa KHL «Juldyzdy apta» oıyndaryna qatysatyn komanda quramalary keldi. Qańtar aıynyń 10-14 kúnderi aralyǵynda kontınentaldi, jastar jáne áıelder hokkeı lıgalary jankúıerlerge este qalarlyq shoý syılaıdy, dep habarlaıdy qala ákimdiginiń resmı saıty.
11 qańtar kúni Jastar hokkeı lıgasy dástúrli «Shyǵys» jáne «Batys» bolyp Jekpe-jek Kýbogy jeńimpazyn anyqtaıtyn bolady. Ázirge «Batys» - «Shyǵys» teke tiresinde 6-2 esebimen «Batys» qurama komandasy alda keledi.
JHL Jekpe-jek Kýbogynda «Shyǵys» dıvızıony qurama komandasy quramynda oınaıtyn Astanalyq «Qar barysy» jastar komandasynyń qorǵaýshysy Samat Danııar aldaǵy bolatyn oıyn týraly oıymen bólisti.
«Bizdiń qurama aldaǵy oıynǵa saqadaı saı. Ár komandadan jınalǵan qurama bolsaqta bir-birimizdiń oıyn tásilimizge tóselip jatyrmyz. Qaı dıvızıon myqty ekenin oıyn kórsetedi», - dedi «Shyǵys» dıvızıony qurama komandasynyń qorǵaýshysy Samat Danııar.
Búgin bolatyn Jekpe-jek Kýbogynda úzdik oıyn úlgisin kórsetken 4 oıynshy, ıaǵnı ár quramadan eki oıynshydan KHL juldyzdarymen qatar oınaýǵa múmkindik alady. Sonymen qatar, qurama komandalar sabynda qazaqstandyq úsh oıynshy óner kórsetedi. Eki oıynshy Astanalyq «Qar barysy» komandasynan, endi biri Óskemendik «Altaı» komandasynyń ókili.
«Jigitterdiń bul oıynǵa daıyndyǵy óte jaqsy. Biz jeńiske jetýge mindettimiz. Aldyńǵy oıyndarmen eseptesek «Batys» qurama komandasy bizdiń aldymyzda keledi, sol sebepti bizge kezdesýlerdegi esep aıyrmashylyǵyn qysqartý kerek», - dep atap ótti «Shyǵys» qurama komandasynyń bas jattyqtyrýshysy Dmıtrıı Stýlov.
Esterińizge sala keteıik, «Juldyzdy aptany» Qurlyqaralyq hokkeı lıgasy dıvızıondarynyń tórt quramasy qorytyndylaıdy. Jyl saıyn uıymdastyrýshylar jankúıerler men kórermender úshin qyzyqty oıyndar oınatady. Bıylda sol dástúr jalǵasatyn bolady.
