Búgin Astanada «Jas ulan» áskerı ánder festıvali bastaldy
Bul týraly QR Qorǵanys mınıstrliginiń baspasóz qyzmetinen habarlady.
Fınalǵa úshinshi irikteý týrynan ótken ásker túrleriniń, tekteriniń jáne óńirlik qolbasshylyqtardyń jeńimpazdary qatysady. Sondaı-aq festıvalge basqa da áskerler men áskerı quralymdardyń ókilderi qatysyp, festıval qonaqtary óner kórsetedi dep kútilýde. Barlyǵy fınalǵa ártúrli bólimder men áskerı oqý oryndarynan kelgen 250-ge jýyq oryndaýshylar men shyǵyrmashylyq ujymdar qatysady.
«Bul festıval tuńǵysh ret elordamyz - Astana qalasynda ótkizilip otyr. Festıvaldiń maqsaty Qarýly Kúshterdiń ımıdjin kóterý, jastardy patrıottyq rýhta tárbıeleý, áskerı qyzmetshilerdiń shyǵarmashylyq áleýetin qoldaý bolap tabylady», - dep Bas shtab bastyǵynyń orynbasary - Qazaqstan Respýblıkasy Qarýly Kúshteri Bas shtaby Tárbıe jáne ıdeologııalyq jumystar departamentiniń basshysy polkovnık Muhamedjan Talasov atap ótti.
Respýblıkalyq festıvalge qatysýshylar «oryndaýshy-vokalıster», «folklorlyq oryndaýshylar», «vokaldyq-aspaptyq ansamblder men oryndaýshylar» atty úsh nomınatsııadaǵy konkýrstyq baǵdarlamada óner kórsetedi.
«Jas ulan» festıvali QR Qarýly Kúshterinde 1997 jyldan beri áskerı ortadaǵy kórkemónerpaz shyǵarmashylyq ujymdary men oryndaýshylardy damytý úshin ótkizilip keledi. Ol áskerlerde keńinen tanymal. Shyǵarmashylyq kórkemónerpazdar áskerı qyzmetshiler men jastardy áskerı-patrıottyq tárbıeleýde úlken oryn alady.
«Jas ulan-2013» festıvali laýreattarynyń gala-kontserti 2013 jylǵy 12 qazanda astanalyq «Kongress-holl» kontsert zalynda ótkiziledi.