Búgin Astanada «Jas Otan» jastar qanatynyń kezekti IV sezi ashylady

ASTANA. QazAqparat - Búgin Astanada «Jas Otan» jastar qanatynyń kezekti IV sezi ashylady. Oǵan elimiz boıynsha 1500-ge jýyq delegat qatyspaq, dep habarlaıdy Habar 24. 

Sezdiń basty maqsaty - «Jas Otan» jastar qanatynyń jarǵylyq qujattaryn retteý, «Rýhanı jańǵyrý: bolashaqqa baǵdar» baǵdarlamasyn, Elbasynyń 5 áleýmettik bastamasyn talqylaý.

Delegattar pikirtalas alańdarynda ashyq áńgime ótkizip, ózderin tolǵandyrǵan máselelerdi ortaǵa salady. Sondaı-aq, jastar saıasatyn damytý joldary da keńinen talqylanbaq.  

Sezd jumysy eki kúnge jalǵasady. Alqaly jıyn sońy «Jańa álemge jol salamyn» gala-forýmyna ulasady.