Búgin astanada jáne 11 qalada aýa sapasy nasharlaıdy
NUR-SULTAN. QazAqparat – «Qazgıdromet» RMK 3 aqpanda elimiz qalalarynda qalyptasatyn aýa sapasy týraly málim etti, dep habarlaıdy QazAqparat.
Sınoptıkter boljamyna sáıkes, beısenbi kúni qolaısyz meteorologııalyq ahýal Nur-Sultan, Almaty, Atyraý, Balqash, Jezqazǵan, Qaraǵandy, Pavlodar, Temirtaý, Shymkent qalalarynda kútiledi. Sondaı-aq Rıdder, Semeı jáne Óskemen qalalarynda 2 dárejeli jaǵymsyz meteojaǵdaı boljanady.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.
