Búgin Astanada ystyq sý berý toqtatylady

ASTANA. QazAqparat - 27-28 mamyrda elordanyń keıbir aýdandarynda ystyq sý berý toqtatylady. Bul týraly astana.kz saıtyna «Astana-Teplotranzıt» AQ habarlady.

Mekemeniń málimetinshe, Jeńis, Bógenbaı batyr, Abaı dańǵylary, Tilendıev, Moldaǵulov, Áýezov, Máskeý, Naızaqara, Potanın, Jeltoqsan, Saryarqa, Seıfýllın, Kúmisbekov, Bıgeldınov, Irchenko, Kenesary, Rysqulov, Jangeldın, Botaly kóshelerine ystyq sýdyń berilýi isten ajyratylady. Sebebi, jylý magıstraldaryn tyǵyzdyqqa daıyndaý jáne synaý jumystary ótkiziledi. Tıisti jumystar Astana qalasynyń keıbir aýdandarynda jasalyp bitti.

«Astana-Teplotranzıt» AQ habarlaýynsha, kásiporyndar men uıymdardyń basshylary, PIK pen PK tóraǵalary berilgen uıǵarymǵa sáıkes, ystyq sýmen qamtýdy jeliden aıyryp tastaýy qajet. Ári osy kezeńde kezekshilik uıymdastyrylýy tıis. Jylý berý jelisindegi barlyq jumystar toqtatylýy kerek.