Búgin astanada vaktsına alǵandar arasynda taǵy eki iPhone12 jáne basqa qundy syılyqtar oınatylady

NUR-SULTAN. QazAqparat - Nur-Sultanda vaktsınatsııalanǵandar arasynda baǵaly syılyqtar oınatylady. Kezekti eki iPhone12 jáne basqa da qundy syılyqtardyń ekinshi utys oıynyna 7 shilde men 16 shilde aralyǵynda vaktsınatsııalanǵan turǵyndar qatysady, dep habarlaıdy QazAqparat.

Qalalyq ákimdiktiktiń málimetinshe, osy ýaqyt aralyǵyndaǵy qatysýshylar sany — 53 myń 279 adam.

Utys tikeleı efırde 17 shilde (senbi) saǵat 17:00-de Nur-Sultan qalasy ákimdiginiń áleýmettik jelilerinde (Facebook, YouTube) ótedi.

Esterińizge sala keteıik, iPhone12 jáne basqa da qundy syılyqtardyń alǵashqy utys oıyny 9 shildede ótti.

Sol kezde avtomatty utys oıynyna vaktsınatsııa bastalǵan sátten bastap qalada 6 shildege deıin vaktsınatsııalanǵandar qatysqan.

Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan, ol vaktsınatsııalanǵandar arasynda ID boıynsha júlde ıegerlerin generatsııa arqyly tańdaıdy.

Ony ázirleýge IT-qaýymdastyq ta qatysty. Aıta ketý kerek, vaktsınatsııalanǵandar júıesi QR Densaýlyq saqtaý mınıstrliginiń aqparattyq júıesimen biriktirilgen.

Utys oıynyna qatysý avtomatty túrde ótedi, ıaǵnı ekpe alǵandarǵa qujat toltyrýdyń qajeti joq.

IPhone12 jáne basqa da qundy syılyqtardyń utys oıynyn elorda ákimdigi apta saıyn jazdyń sońyna deıin ótkizedi.

Aıta keteıik, elordada azamattardy vaktsınatsııalaýǵa yntalandyrý úshin baǵaly syılyqtar oınatylady.

V aktsınatsııalanǵandar arasynda eki bólmeli páter de oınatylady.

Osy jyldyń 25 maýsymy men 31 tamyzy aralyǵynda vaktsınanyń birinshi komponentin alǵan 18 jastan asqan qala turǵyndarynyń elordada jyljymaıtyn múlikti utyp alý múmkindigi bar.

Bul utys oıynyna vaktsınatsııanyń barlyq pýnkteri qatysady: medıtsınalyq mekemeler, SOO-lar jáne saýda úıleri.

Aıta ketý kerek, utys oıyndary demeýshilerdiń kómegimen ótkiziledi.

Sondaı-aq MEGA Silk Way SOO vaktsınatsııa pýnktinde birinshi komponentpen vaktsınalanǵandar arasynda avtokóliktiń utys oıyny jarııalandy.

Elordada utys oıyndary azamattardy ekpe alýǵa yntalandyrý, osylaısha óz densaýlyǵyn, jaqyn jáne aınalasyndaǵy adamdardyń densaýlyǵyn saqtaý úshin uıymdastyrylady.

Basty maqsat — ujymdyq ımmýnıtetti damytý jáne karantınge deıingi burynǵy rejımge oralý.

Ujymdyq ımmýnıtettiń úlesi 60%-dan asýy kerek.