Búgin Astanada úzdik ustazdar marapattalady
ASTANA. QazAqparat - Astana qalasynda bilim berý júıesi qyzmetkerleriniń kásibı merekesi qarsańynda Kongress-holl saraıynda saltanatty jıyn ótedi. Ádettegideı, bul kúni úzdik muǵalimder marapattalatyn bolady, dep habarlanǵan elorda ákimdiginiń resmı saıtynda.
Merekelik shara aıasynda kontsert uıymdastyrylady. Onda Qaırat Nurtas, Marjan Arapbaeva, «MýzArt» trıosy, «Boicekz» kvarteti, «Zet» trıosy syndy qazaqstandyq estrada juldyzdary men Oqýshylar saraıynyń shyǵarmashylyq ujymdary jınalǵan kópshilikke merekelik kóńil-kúı syılamaq. Sondaı-aq bul merekede óskeleń urpaqty tárbıelep, oqytýǵa belsene atsalysqan ustazdar qaýymyn quttyqtaý rásimi Astana qalasynyń ár bilim ordasynda ótkizilmek.
