Búgin Astanada terrorızmge qarsy oqý-jattyǵý ótedi

ASTANA. QazAqparat - Búgin Astanada terrorızmge qarsy oqý-jattyǵý ótkiziledi. Bul týraly QazAqparat elordalyq terrorızmge qarsy kúres jónindegi jedel shtabqa silteme jasap habarlaıdy.

«29 tamyzda 9 saǵat 00 mınýttan 14 saǵat 00 mınýtqa deıin Astana qalasynyń aýmaǵynda terrorızmge qarsy kúres jónindegi jedel shtab josparly terrorızmge qarsy oqý-jattyǵý ótkizýdi josparlap otyr.

Іs-sharanyń maqsaty - jedel shtab kúshteri men quraldarynyń terrorıstik kórinisterge shuǵyl den qoıý boıynsha mindetterdi oryndaýǵa daıyndyǵyn tekserý.

Osyǵan baılanysty, azamattardy ótkiziletin oqý is-sharalaryna túsinistikpen qaraýǵa, qaýipsizdik sharalaryn saqtaýǵa jáne memlekettik organdardyń jumyldyrylǵan qyzmetshileriniń zańdy talaptaryn oryndaýǵa shaqyramyz», - delingen shtabtyń resmı habarlamasynda.