Búgin Astanada shyǵarmashyl jastardyń XVI Halyqaralyq «Shabyt» festıvali ashylady
ASTANA. 3 qarasha. QazAqparat - Búgin Astanada shyǵarmashyl jastardyń XVI Halyqaralyq "Shabyt" festıvali ashylady, dep habarlady festıvaldiń www.shabyt.astana.kz resmı saıty.
"Shabyt" halyqaralyq festıvali "Klassıkalyq mýzyka", "Beıneleý óneri", "Halyq mýzykasy", "Estradalyq vokal", "Úzdik ádebı shyǵarma", "Horeografııa" atalymdarynda ótkeli otyr. Oǵan qazaqstandyq shyǵarmashyl jastarmen qatar Máskeý, Ýfa, Qazan, Tashkent, Bishkek, Samara, Baký jáne Varna (Bolgarııa) qalalarynan ónerli jastar baq synaýǵa tilek bildirgen, óner merekesine barlyǵy 200-diń ústinde ónerpazdar qatyspaq.
Búgin keshke saǵat 18-de elordadaǵy Beıbitshilik jáne kelisim saraıynda festıvaldiń saltanatty ashylýy ótedi.
Shara barysynda konkýrstyq baǵdarlamalarmen qatar kóptegen mádenı sharalar uıymdastyrylady. Olardyń arasynda qazylar alqasy músheleriniń - belgili óner sheberleriniń kontsertteri, mýzykalyq-oıyn saýyq shoýy, uıymdastyrý komıtetiniń shtabynda shyǵarmashylyq problemalaryna arnalǵan dóńgelek ústelder, álemdik óner juldyzdarynyń sheberlik sabaqtary qarastyrylǵan.
3-8 qarasha aralyǵynda ótetin festıvaldiń jabylýy saltanaty Beıbitshilik jáne kelisim saraıynda gala-kontsertpen aıaqtalady.
