Búgin Astanada «Shabyt» festıvali bastalady
ASTANA. QazAqparat - Búgin Astanada «Shabyt» XVIIІ Halyqaralyq shyǵarmashylyq jastar festıvaliniń saltanatty túrde ashylýy ótedi, dep habarlady Astana qalasy ákimdiginiń baspasóz qyzmeti.
Bıyl daryndylardy anyqtaıtyn bedeldi konkýrsqa arnaıy dıplom, medal, laýreat ataǵyn alýǵa, jáne eń bastysy El Prezıdentiniń kýbogy ıegeri atanýǵa 388 úmitker qatysady. Sonymen qatar, bas júldeger ıesi 250 myń teńgeni alyp ketedi. Altyn medal ıegerleri 200 myń teńgeden, kúmis júlde - 150 myń teńge jáne qola júlde ıegerleri - 100 myń teńgeden alady.
- Jyl saıyn «Shabyt» jastar shyǵarmashylyq festıvaline qyzyǵýshylyq arta túsýde. Buny baıqaýǵa nıet bildirgenderdiń sanynan bilýge bolady. Ár ýaqytta qazylar alqasy festıval jańa talantty tabýǵa ári olardyń óner jolyn ashýda septigin tıgizetinin atap ótedi. Aqparattyq qoldaýdy «Habar» telearnasy kórsetip, arnadan festıvaldiń kúndelikterin kórýge bolady. Bıylǵy jyly jańa atalym «sporttyq bal bıin» engizdik, - dedi Astana qalasy Mádenıet basqarmanyń basshysy Bolat Majaǵulov.
Konkýrsanttardyń talantyn ataqty ártister, professorlar, Qytaı, Germanııa, Izraıl, Italııa, Belarýs, Reseı jáne Qazaqstannan shyqqan álemge tanymal óner maıtalmandary baǵalaıtyn bolady. Sonymen qatar, ádilqazy alqasynyń músheleri sheberlikterimen bólisedi.
Osylaısha, «Dombyramen án salý» atalymynda ádilqazy alqasyn QazKSR halyq ártisi, QR memlekettik syılyǵynyń laýreaty, professor Qaırat Baıbosynov basqaryp otyr. Halyqtyq án salý boıynsha Ramazan Stamǵazıev, Aıgúl Qosanova, Sáken Syzdyqov, Jaqsygeldi Kemalov jáne Qonysbaı Ábil syndy tanymal sheberler óz baǵalaryn beredi.
«Dombyra» atalymynda ádilqazy tóraǵasy QR eńbek sińirgen qaıratkeri, professor, Memlekettik akademııalyq fılarmonııasynyń qazaq halyq aspaptary orkestriniń kórkemdik jetekshisi jáne bas dırıjeri Aıtqalı Jaıymov.
Tsırk ónerin tanystyratyn úmirtkerlerdi Astana tsırki dırektory Erik Joljaqsynov, Saha Respýblıkasy tsırkiniń dırektory Sergeı Rastorgýev, Almaty qalalyq qazaq tsırkiniń dırektory Dáýlet Dosbatyrov syndy óner tarlandary baǵalaıdy.
«Akademııalyq án salý» atalymynda ádil-qazylar alqasynyń tóraǵasy Qazaq ulttyq óner ýnıversıtetiniń professory Qanat Omarbaev bolady. Sonymen qatar, halyqaralyq konkýrstardyń laýreaty, Túrkııa men Italııanyń Memlekettik operasynyń jeke án salýshysy Seda Ortach, Mınskiden kelgen ónertaný doktory Ekaterına Dýlova, Ierýsalım mýzyka Akademııasynyń klarnet klasy boıynsha professory, Izraıl operasy orkestriniń birinshi klarneti Mıhaıl Gýrfınkel, Ierýsalım sımfonııalyq orkestriniń bas dırektory ıAır Stern syndy shaqyrylǵan qonaqtar ádil qazylar alqasyna múshe retinde kirdi.
Festıvaldiń eń úzdik skrıpkashysyn Qazaq ultyq óner ýnıversıtetiniń rektory, Qazaqstan Eńbek Eri - Aıman Musaqojaeva, G.Isakadze - Shpılman (Germanııa) Mýzykalyq akademııasynyń qurmetti jetekshisi Lıana Isakadze, Estonııa Mýzyka akademııasy men Helsınkı Sıbelıýs akademııasynyń professory Marı Tampers-Bezrodnaıa jáne taǵy basqalar anyqtaıtyn bolady.
«Shabyt-2015» XVIIІ Halyqaralyq shyǵarmashylyq jastar festıvaliniń saltanatty ashylý rásimi 2015 jyldyń 3 qarasha kúni saǵat 19.00-de Kongress-hollda ótedi.
