Búgin Astanada «Saıabaqtar sherýi» ekologııalyq aktsııasy ótedi
ASTANA. QazAqparat - Búgin «Astanalyq» mádenıet jáne demalys ortalyq saıabaǵynda «Saıabaqtar sherýi» ekologııalyq aktsııasy ótedi. Oǵan «Jasyl el» jasaǵynyń 30 múshesi qatysady, dep habarlady astana.kz.
«Biz saıabaqty jáne qalalyq jaǵajaı aýmaǵyn tazartýdy josparlap otyrmyz. Sharany ótkizý úshin osy saıabaqty tańdaýymyz kezdeısoq emes. Bul elorda turǵyndary men qonaqtarynyń súıikti demalys orny», - dedi Astana qalasynyń «Jasyl el» stýdenttik qurylys jáne eńbek jasaqtary shtabynyń tóraǵasy Ádilbek Bektashev. Uıymdastyrýshylar astanalyqtardy sharaǵa qatysýǵa shaqyrady. Óıtkeni, qalanyń tazalyǵy úshin bul - ortaq is, delingen habarlamada. Aıta keteıik, «Saıabaqtar sherýi» kóptegen memleketterde jyl saıyn ótkiziledi. Astanada 2008 jyldan beri uıymdastyrylyp keledi. Aktsııa 20 shilde saǵat 11.00-de bastalady.
