Búgin Astanada «Qazaqstan arýy-2012» tańdap alynady
ASTANA. 8 jeltoqsan. QazAqparat - Búgin Astanadaǵy Táýelsizdik saraıynda «Qazaqstan arýy-2012» sulýlyq baıqaýynyń aqtyq máresi ótedi.
Onyń jeńimpazy «Álem arýy-2013» baıqaýynda elimizdi tanystyratyn bolady.
Atalmysh baıqaýda elorda atynan jeti arý qatysady, olardyń qatarynda «Astana arýy» Aıaýlym Erǵazy jáne «Birinshi vıtse-mıss» Aıjan Baıdosova bar. Sondaı-aq Margarıta Bekmeteva, Gúlistan Omarova, Rýslana Tereşenıa, Ekaterına Ponomarenko, Áıgerim Qojahanova da saıysqa túsedi.
Sulýlyq baıqaýynda Almatynyń namysyn 2 arý - «Qala arýy» Farıda Málik, sondaı-aq Karına Jetesova qorǵaıdy. Atyraýdy Asylaı Ámitova tanystyrady, Qaraǵandydan - Anna Chýdaeva, Kókshetaýdan - Zııada Bekbosynova, Qostanaıdan - Sáýle Dosjanova, Qyzylordadan - Gúlzıra Ábýova, Oraldan - Aıgúl Musaqulova, Óskemennen - Málıka Ybraıymova, Pavlodardan - Kámılla Jekesova, Semeıden - Danara Aqanǵalı, Taldyqorǵannan - Anar Túrkistanova, Tarazdan - Nazym Aqylova, Shymkentten - Jazıra Nurymbetova jáne Aqtóbeden Álııa Muhanova qatysady.
Sonymen qatar baıqaýǵa «Mıss foto» Aıdana Tólegenova, «Mıss model» Ksenııa Konkova, «Sport arýy» Aqmaral Qalambaeva da qatysyp, baqtaryn synaıdy.
Astana qalalyq Mádenıet basqarmasynyń bastyǵy Bolat Majaǵulov, Qazaqstannyń eńbek sińirgen qaıratkeri, skrıpkashy Marat Bısenǵalıev, qazaqstandyq rejısser Farhat Sháripov, sondaı-aq dızaıner ári akter Bópesh Jandaev t.b. arýlardyń saıysyna qazylyq etetin bolady.
