Búgin Astanada qala turǵyndary úshin bos oryndar jármeńkesi ótedi
ASTANA. Qyrkúıektiń 10-y. QazAqparat /Gúlmıra Álıakparova/ - Búgin Astanada qala turǵyndary úshin bos oryndar jármeńkesi ótedi. Bul týraly elorda ákimdiginen málim etti.
Jármeńke Astana qalasy ákimdiginiń «Jumyspen qamtý ortalyǵy» MQKK men «Jumyspen qamtý jáne áleýmettik baǵdarlamalar» memlekettik mekemesimen birlese uıymdastyrylyp otyr. Ótkizilý orny men ýaqyty - «Edem palas» turǵyn úı kesheninde, tańerteńgi saǵat 10.00-den keshki 18.00-ge deıin.
Derekter qorynda 296 jumys berýshi usynyp otyrǵan 2014 bos jumys orny bar. Olardyń ishinde jármeńkege qatysýǵa aldyn ala ótinimderdi 52 jumys berýshi men 13 bilim berý mekemesi berdi.
Jumyssyz retinde tirkelgen jas mamandar men oqý oryndarynyń túlekterine alǵan mamandyqtary boıynsha «Jastar tájirıbesi» baǵdarlamasymen qalalyq mekemelerdiń birinen dıplomnan keıingi tájirıbeden ótý usynylatyn bolady.
Dıplomnan keıingi jumys kóptegen stýdetterge óz mamandyqtary boıynsha jumys tabýǵa sondaı-aq, óz bilimin, qabileti men biliktiligin tarazylaýǵa múmkindik beredi.
Áleýmettik jaǵynan álsiz toptarǵa jatatyn azamattardy jumysqa ornalastyrýǵa qolǵabys etý maqsatynda jumys berýshilermen qosymsha «áleýmettik jumys oryndary» quryldy.
Jármeńke barysynda sonymen birge, túıindemelerdi durys qurastyrý boıynsha kómekter; «Halyqty jumyspen qamtý týraly» QR Zańy, «QR Eńbek Kodeksi» jáne taǵy da basqa zańnamalyq qujattar boıynsha zańdyq keńester men psıhologııalyq keńester kórsetiledi.
