Búgin Astanada qala aýmaǵyn qardan tazartý senbiligi ótti
ASTANA. Qańtardyń 30-y. QazAqparat /Gúlmıra Álıakparova/ - Búgin Astanada qalalyq kommýnaldyq qyzmetterdiń qatysýymen kóktemgi tasqyn sýlardy ótkizýge daıyndyq jumystaryn júrgizý josparyna sáıkes, qala aýmaǵyn qardan tazartý senbiligi ótti,
dep habarlaıdy QazAqparat.
Turǵyndarǵa qolaıly jaǵdaı týǵyzý úshin, sondaı-aq joldar, kópirler, ǵımarattar men basqa da nysandardyń qalypty jaǵdaıyn saqtap qalýǵa jáne kóktemgi aǵystarmen bolýy múmkin tótenshe jaǵdaılardyń aldyn alýǵa baǵyttalǵan atalmysh jospar aýqymynda bıýdjetten 182 mıllıon teńge bólindi.
Kóktem ýaqytynda sý astynda qalýy múmkin aýmaqtardy qardan tazartý jáne ony qala syrtyna shyǵarý jumystarymen «Astana Tazalyq» JShS-nyń jáne qalalyq basqa da kommýnaldyq kásiporyndardyń 150-ge jýyq arnaıy tehnıkasy men 200 adamy aınalysty. «Astana Tazalyq» sý basýy múmkin jerlerge tógý úshin aldyn ala 7000 tekshe metr qıyrshyq tas, 3000 tekshe metr qıyrshyq qum jáne 700 tekshe metr qumdy daıyndap qoıdy.
Saryarqa aýdany ákiminiń orynbasary Berik Ahmetjanovtyń aıtýynsha, aýdan aýmaǵynda bul - Kóktal 1, 2, Agroqalashyq jáne Óndiris turǵyn kentteri, Panfılov jáne Pavlov kósheleri.
Aldyńǵy jyldary júrgizilgen osyndaı jumystar barysynda kóktemgi tasqyn ýaqytynda sý astynda qalýy múmkin turǵyn úı sektorlarynyń kartasy daıyndalǵan bolatyn, olar boıynsha jumystar júrgizilýde. Kommýnaldyq qyzmet mamandary turǵyndardy da belsendilikke shaqyryp, sý basý qaýpi bar jerler týraly sý tasqynyna qarsy komıssııanyń aýdandyq shtabtaryna habar berýdi surady. Almaty jáne Saryarqa aýdandary boıynsha telefon - 48-43-37, Esil aýdanynyń baılanys nómiri 79-55-54, 79-55-62.
