Búgin Astanada hokkeıden Prezıdent Kýbogy bastalady
ASTANA. QazAqparat - Astanada «Qazaqstan» sport saraıynda búgin hokkeıden «Qazaqstan Respýblıkasy Prezıdentiniń kýbogy» V halyqaralyq týrnıri ótedi. Týrnır aıasynda «Barys» pen «Avangard»(Omby) jáne «Neftehımık» (Nıjnekamsk) pen «Metallýrg» (Novokýznetsk) komandalary muz aıdynynda synasady, dep habarlady astana.kz.
Búgin birinshi kezeń matchtary, al 10 -11 tamyzda oıyn ekinshi jáne úshinshi kezeń boınsha ótedi. Tamyzdyń 12-si - týrnır jeńimpazdary anyqtalatyn sheshýshi kún.
Hokkeıden Qazaqstan Respýblıkasy Prezıdenti kýbogy jyl saıyn uıymdastyrylyp keledi. Buǵan deıin otandyq «Barys» komandasy úsh márte jeńimpaz atanǵan. Osy kúni Q.Muńaıtpasov atyndaǵy stadıonda fýtboldan QR Chempıonaty aıasynda alǵashqy lıgada «Astana - 1964» pen «Kaspıı» erler komandalary jarysqa túsedi.
