Búgin Astanada EQYU sammıti qarsańynda arnaıy satyp alynǵan jańa taksı kólikteriniń tanystyrylymy boldy

90 - Toyota «Sorolla», 5 - Toyota «Camry» jáne 5 - Toyota «Hiace» kólikteri EQYU sammıtine qatysý úshin elordaǵa keletin qonaqtarǵa barynsha sapaly qyzmet kórsetý maqsatynda satyp alyndy. Aıta keteıik, bul bastamany kótergen qala ákimi Imanǵalı Tasmaǵambetov boldy. Osy rette, «Saryarqa Taxi» takso-motorlyq jańa kompanııa qurylyp, ol «Bıznestiń jol kartasy - 2020» memlekettik baǵdarlamasy boıynsha júzege asyryldy.

Astananyń taksı parkin zamanaýı kóliktermen tolyqtyrǵan kompanııanyń dırektory Aleksandr Vasılevtyń aıtýynsha, avtomobılder men jańa jabdyqtardy satyp alýǵa «Damý» kásipkerlikti damytý qory» AQ-dan 328 mln. teńge nesıe bólindi.

Qala ákimdigi ǵımaratynyń aldyndaǵy alańda sap túzegen jańa taksı kólikterdi Astana basshysy I.Tasmaǵambetov kórdi.

A.Vasılevtyń sózine qaraǵanda, kompanııaǵa qabyldanǵan júrgizýshiler, tehnıkalyq qyzmetkerler men dıspetcherler qatań irikteýden ótti. «Júrgizýshilerdiń barlyǵy kásibı sheberlik mektebinde biliktilikterin arttyrdy, testilik suraqtarǵa jaýap berip, júrgizý emtıhandaryn tapsyrdy. Biz júrgizýshiler qabyldaýdy aldaǵy ýaqytta da jalǵastyratyn bolamyz. Sebebi kólikter jańa. Sondyqtan ony naǵyz kásibılerdiń qolyna tapsyrǵan jón», - dedi ol.

Taksı kólikteri táýlik boıy jumys isteıdi. Qyzmet úshin tólem - kólikke otyrǵanyńyz úshin - 100 teńge, odan ári eseptegish quraly boıynsha ár shaqyrymyna 90 teńgeden tóleısiz. Kompanııa basshysynyń aıtýynsha, naryqtaǵy qazirgi tarıftermen salystyrǵanda bul áldeqaıda tıimdi. Mysalǵa, eger jolaýshylar qalanyń ortalyq aýdanynan áýejaıǵa deıin 2000 teńge tólep kelse, endi 1500 teńge jumsaıtyn bolady. Qyzmetter úshin «Visa» tólem kártishkelerimen de esep aıyrysýǵa bolady. Tapsyrystar 34 11 11 telefon nómiri boıynsha qazaq, orys jáne aǵylshyn tilderinde qabyldanady. Kólikter qala boıynsha «taksı» belgileri bar barlyq jerlerde ornalasady.

Kompanııa aldaǵy ýaqytta óz parkin taǵy 200 kólikke tolyqtyrýdy kózdep otyr. Onyń júzi 7-shi qysqy Azııa oıyndarynyń qarsańynda satyp alynady. Bunymen bir mezgilde A.Vasılev: «Biz taksı qyzmetimen aınalysyp júrgen kompanııalardy yǵystyrýdy maqsat etpeımiz. Tek sapaly qyzmet kórsete otyryp, jolaýshylarǵa tańdaý jasaý múmkindigin beremiz», - dedi.