Búgin Astanada dzıýdo kúresiniń ardagerleri arasynda týrnır ótedi
ASTANA. 19 qarasha. QazAqparat /Gúlmıra Alıakparova/ - Búgin Astanada dzıýdo kúresiniń ardagerleri arasynda týrnır uıymdastyrylady.
Maıtalman dzıýdoshylardyń saıysy Qazaqstannyń dene shynyqtyrý jáne sport salalaryna eńbek sińirgen qyzmetker, KSRO-nyń sport sheberi Jangeldın Serik Aıdarulyn eske alýǵa arnalyp otyr. Oǵan atalmysh sport túriniń Astana, Almaty, Pavlodar, Qostanaı, Semeı jáne Qaraǵandy qalalarynan kelgen eń úzdik palýandary qatysady. Buqaralyq sportty damytý jáne Qazaqstanda dzıý-do kúresin nasıhattaý maqsatyn tutqan sharany Astana qalasynyń Dzıýdo federatsııasynyń qoldaýymen «Astana Batyry» jekpe-jek klýby men Ulttyq sport túrleriniń elordalyq klýby uıymdastyryp otyr. Týrnır «Qazaqstan» sport kesheninde (bastalýy saǵat 12.00-de) Beıjiń qalasyndaǵy Olımpıada oıyndarynyń kúmis júldegeri Ashat Jitkeevtiń esimindegi dzıý-do zalynda ótedi.
