Búgin Astanada Devıs kýbogy bastalady
ASTANA. QazAqparat - Búgin Astanada Devıs kýbogynyń 1/8 fınalynda Qazaqstan men Shveıtsarııa quramalary arasyndaǵy jarys bastalady, dep habarlaıdy QazAqparat.
Keshe, 1 aqpan kúni Astanada Devıs kýbogynyń 1/8 fınalynda kezdesetin Qazaqstan men Shveıtsarııa quramalary arasyndaǵy kezdesýdiń jerebesi tartyldy.
Eki qurama arasyndaǵy oıynda birinshi bolyp kortqa Dmıtrıı Popoko men Genrı Laaksonen shyǵady. Sondaı-aq juma kúni Mıhaıl Kýkýshkın men Adrıan Bodmer oınaıdy. Juptyq saıysta leksandr Nedovesov pen Tımýr Habıbýlllın juby shveıtsarııalyq Mark-Andrea Hýsler men Lýka Margarolıge qarsy shyǵady.
Sońǵy kúni Kýkýshkın - Laaksonen jáne Popko - Bodmer kezdesýleri ótedi.
Jekeleı syndaǵy oıyndar 2 jáne 4 aqpan kúnderi Ulttyq tennıs ortalyǵynda ótedi. Juma kúni oıyndar 12:00-de bastalsa, senbi men jeksenbi kúnderi 14:00-de bastalady.
Eske salaıyq, buǵan deıin Devıs kýbogy aıasynda Qazaqstan Shveıtsarııamen eki márte kezdesken bolatyn. 2010 jyly qazaqstandyq tennısshiler Astanada 5:0 esebimen utyp, alǵash ret álemdik topqa shyqqan edi. Al 2014 jyly Jenevada ótken shırek fınalda 2:3 esebimen otandastarymyz utyldy.
