Búgin Astanada dabyl júıesi iske qosylady
ASTANA. QazAqparat - 26 qarasha kúni tańǵy saǵat 09:00-de Astana qalasynyń Tótenshe jaǵdaılar departamenti «Astanatelekom» qalalyq kommýnıkatsııalar ortalyǵymen birlesip qulaqtandyrý júıesin tekseredi.
Shara barysynda S-40 elektr dabyldary iske qosylyp, teleradıo arnalardy ustap qalý júzege asyrylady. Qulaqtandyrý júıesin tekserý josparly túrde ótkiziledi jáne aı saıyn júrgizilmek. Astana qalasynyń Tótenshe jaǵdaılar departamenti qala turǵyndary men qonaqtaryn sabyrlylyq saqtaýǵa, ábigerge túspeýge shaqyrady, dep habarlanǵan elorda ákimdiginiń saıtynda.
