Búgin Astanada bokstan áıelder arasynda II halyqaralyq týrnır bastalady

Atalmysh dodaǵa Álem chempıony (Brazılııa), Eýropa chempıony jáne Álem chempıonatynyń fınalısi (Reseı), Azııa birinshiliginiń jeńimpazdary qatysýǵa nıet bildirgen. Jalpy 13-17 qyrkúıek aralyǵynda ótetin týrnırde álemniń 14 elinen kelgen 94 bylǵary qolǵap sheberi sheberlik baıqasady dep kútilýde.

Uıymdastyrýshylardyń aıtýynsha, 13-15 qyrkúıek aralyǵynda aldyn ala kezdesýler ótedi. Al 16 qyrkúıekte jartylaı fınaldyq jekpe-jekter, 17 qyrkúıekte aqtyq syn kezdesýleri bolady.

Qazaqstan bul týrnırde áıelder ulttyq quramasynyń eki quramyn da usynyp otyr. Bul kúnderi sharshy alańǵa el namysyn qorǵaýǵa - Nazym Qyzaıbaı (48 kg), Dına Elýbaeva (48 kg), Alına Turlybaeva (48 kg), Nazym Tóleýova (51 kg), Rano Parhatova (51 kg), Jaına Shekerbekova (51 kg), Álııa Járkenova (51 kg), Gúljan Ákimova (54 kg), Dına Jolaman (51 kg), Núrııa Ǵarıfýlına (57 kg), Oksana Koroleva (57 kg), Sánııa Sultanqyzy (57 kg), Álııa Ábdiraıymova (60 kg), Gúljaına Úbbinııazova (60 kg), Zýra Qusaıynova (60 kg), Saıda Hasenova (60 kg), Móldir Bazarbaeva (75 kg), Darıǵa Shákimova (75 kg), Marına Volnova (75 kg), ıÝldýz Mamatqulova (75 kg), Lıazzat Kúngenbaeva (+81 kg) shyǵady.

Búgin «Dáýlet» sport kesheninde 14.30-da týrnırdiń ashylýyna arnalǵan baspasóz máslıhaty, al 15.00 saǵatta ashylý saltanaty bolady.