Búgin astanada bochchadan Qazaqstan chempıonaty bastalady
ASTANA. QazAqparat – 1-4 maýsym aralyǵynda elordada paralımpıadalyq sport túrinen eń iri jarys – bochcha boıynsha Qazaqstan Respýblıkasynyń chempıonaty ótedi, dep habarlaıdy QazAqparat QBF baspasóz qyzmetine silteme jasap.
Chempıonatty osy sport túrin nasıhattaýǵa belsene atsalysatyn Qazaqstan bochcha federatsııasynyń prezıdenti Máýlen Áshimbaev ashady dep josparlanyp otyr.
Sonymen qatar, belgili qoǵam qaıratkerleri, qoǵamdyq pikir kóshbasshylary, Qazaqstandaǵy ınklıýzıvti jáne beıimdelgen sportty qoldaıtyn iri uıymdardyń ókilderi sporttyq is-sharanyń qonaǵy bolady.
Bul chempıonattyń mańyzy zor, óıtkeni ulttyq qurama osy básekeniń nátıjeleri boıynsha jańartylyp, sodan keıin Qazaqstannyń namysyn halyqaralyq jarystarda – jekpe-jekterde, Paralımpıada jáne Azııa Paralımpıada oıyndarynda qorǵaıtyn bolady.
Chempıonatta elimizdiń ár óńirinen 15 jáne odan joǵary jastaǵy 50-ge jýyq sportshy baq synaspaq. Óńirlerde irikteý kezeńderi aıaqtalyp, respýblıkalyq jarysqa elordaǵa keletin barlyq oıynshylar anyqtaldy.
Jarys Jaqsylyq Úshkempirov atyndaǵy jeke jekpe-jek saraıynda ótedi. Resmı ashylý saltanaty – 1 maýsym kúni saǵat 16:00-de bolady.
