Búgin Astanada bilim qyzmetkerleriniń Tamyz keńesi ótedi
ASTANA. QazAqparat - Búgin Astanada bilim qyzmetkerleri Tamyz keńesiniń qalalyq plenarlyq otyrysy ótedi. Oǵan Astana qalasynyń ákimi Imanǵalı Tasmaǵambetov, basqarmalardyń basshylary, pedagogıka salasynyń ardagerleri, jalpy bilim berý mekemeleriniń ustazdary qatysady, dep habarlady astana.kz.
Tamyz keńesi Kongress-Holl saraıynda ótedi. Taqyryby - «Bilim berýdiń ınnovatsııalyq strategııasy - memlekettiń, qoǵamnyń jáne tulǵanyń turaqty damýynyń faktory».
Shara barysynda Astana qalasynyń bilim qyzmetkerlerine QR Bilim jáne ǵylym mınıstrliginiń, Astana qalasy Bilim basqarmasynyń alǵys hattary men qurmet gramotalary tabystalady. Sondaı-aq, 2013-2014 oqý jylynda ótkizilgen spartakıada men «Dıdarly jaz» oıyn alańynyń qorytyndysy shyǵarylady. Shara sońynda elordalyq bilim berý mekemeleriniń úzdik pedagogtary marapattalyp, olardyń esimderi «Elorda bilim júıesiniń altyn qory» qurmet kitabyna jazylady.
