Búgin Astanada balalarǵa arnalǵan ulttyq №150 senim telefony iske qosyldy

dep habarlaıdy QazAqparat.

Atap aıtqanda, búgin senim telefony Astanada ótip jatqan «Balalyq shaqty qorǵaý jáne iske asyrý joldary» taqyrybyndaǵy Ortalyq Azııalyq ǵylymı-tájirıbelik konferentsııa barysynda iske qosyldy.

Nómiri 150 senim telefony Almatyda 2008 jyldan beri qyzmet atqarýda. Osy ýaqyttyń ishinde oǵan 25 myńnan astam adam habarlasqan. ıAǵnı, balalar quqyn buzý boıynsha 5 260 ret telefon shalǵan. Onyń ishindegi 2 199-y boıynsha balalardyń ózderi qońyraý shaldy.

Bilim jáne ǵylym mınıstrliginiń balalar quqyn qorǵaý komıtetiniń tóraıymy Raısa Sherdiń aıtýynsha, ókinishke qaraı kámeletke tolmaǵandar arasynda ózine-ózi qol jumsaý áreketteri azaımaı tur. «Oǵan sebepter aıtarlyqtaı jetkilikti. Onda bir-birin túsinbeý, qurby-qatarlastar arasyndaǵy ózara qarym-qatynas, otbasyndaǵy materıaldyq ál-aýqat jáne basqa da kóptegen sebepter bar. Sondyqtan keıde jasóspirimderge kómek suraýǵa barar jeri bolmaıtyn jaǵdaılar bolyp jatady»,-dedi komıtet tóraıymy.

Onyń sózine qaraǵanda, elimizde úkimettik emes jáne qoǵamdyq uıymdardy qosqanda 211 senim telefondary bar. 100-den astam balalarǵa arnalǵan qoǵamdyq qabyldaýlar tirkelgen. Sondaı-aq Balalar quqyn qorǵaý komıtetinde de senim telefony bar.

«Astanada bul telefon nómiri 74-25-28. Bul nómirge eresekter de balalar da telefon shalyp jatady. Alaıda ol aqyly, sondyqtan basqa óńirlerden telefon shalýǵa balalarǵa qıynǵa túsedi»,-dedi R. Sher.

Aıta keteıik, 150 nómiri boıynsha telefon shalý tegin.