Búgin Astanada antıdámhana jumys isteı bastaıdy
ASTANA. 15 maýsym. QazAqparat - Antıdámhana formatyndaǵy Qazaqstandaǵy tuńǵysh kóńil kóterý orny juma kúni Astanada jumys isteı bastaıdy.
Bul týraly qala ákimdiginen habarlady.
«15 maýsym kúni Astanada Qazaqstan úshin tańsyq formattaǵy jańa kóńil kóterý orny ashylmaq. «Bizdiń oryn» dep atalatyn alkogolsiz antı-dámhananyń qonaqtary jegen tamaqtary úshin emes, osy mekeme irgesinde ótkizgen ýaqyty úshin ǵana aqsha tóleıtin bolady. Tamaqty ózińmen birge alyp kelýge bolady, al shaı, kofe, ústel oıyndary men basqa da kóńil kóterý sharalary tegin usynylady», - deıdi jobanyń avtorlary.
Jańa dámhananyń ıeleri atap ótkendeı, antıkafe formatyn batysto oılap tapqan, sondaı-aq demalýdyń atalmysh jańa úlgisi az ýaqyt ishinde Reseıde úlken suranysqa ıe bolyp úlgeripti.
«Dámhananyń tujyrymdamasyn oılastyryp jatqanymyzda ǵımaratty shaı iship, ústel oıyndaryn oınaýǵa ǵana usynyp qoıý - qyzyqsyz bolady dep sheshtik. Antı-kafe aınaladaǵy adamdarmen júzbe-júz erkin pikir almasýǵa, áńgimelesýge múmkindik beredi», - deıdi joba avtorlary.
Onymen birge, jańa dámhanany bezendirý jumystary boıynsha pikirler endi ǵana qolǵa alyna bastady, sondyqtan onyń árbir qonaǵy oǵan óz úlesin qosa alady.
