Búgin Astanada Á. Jeldibaevtyń «Erke sylqym» atty shyǵarmashylyq keshi ótedi
ASTANA. Qazannyń 8-i. QazAqparat - Búgin Astana qalasyndaǵy Beıbitshilik jáne kelisim saraıynda belgili kúıshi-sazger, Qazaqstannyń eńbek sińirgen qaıratkeri, «Parasat» jáne «Qurmet» ordenderiniń ıegeri Ábdimomyn Jeldibaevtyń «Erke sylqym» atty shyǵarmashylyq keshi ótedi.
Bul sharany Astana qalalyq Mádenıet basqarmasy uıymdastyrǵan. Óner ıesiniń keshine Astana memlekettik fılormonııasynyń qazaq halyq aspaptary orkestri qatysady. Bul orkestrdiń kórkemdik jetekshisi jáne bas dırıjeri - Qazaqstannyń eńbek sińirgen qaıratkeri, professor Aıtqalı Jaıymov.
Osy keshte halqymyzǵa ásem de áserli kúı syılap kele jatqan sazgerdiń kóptegen shyǵarmalary oryndalady dep josparlanyp otyr.
Shyǵarmashylyq kesh saǵat 19-00-de bastalady.
