Búgin Astanada 7-shi qysqy Azııa oıyndarynyń logotıpteri bar kádesyı ónimderin jáne zattardy satatyn ortalyq ashyldy

Azııa oıyndaryn nasıhattaý barysynda atalmysh saýda ortalyǵynda tutas aqparattyq oıyn-saýyq júıesin qurý josparlanǵan. Azıada logotıpteri bar kádesyı ónimderin satý ortalyǵy solardyń biri. Onda kıim-keshek, aıaq kıim, sporttyq kıimder men zattardy satyp alýǵa bolady. Oıyn-saýyq júıesiniń quramyna sondaı-aq, dárihana, banktik qyzmetter kórsetiletin jeliler, ınternet pen telefonııa, hımııalyq tazaratý, kir jýý bólimderi kiredi.

Ortalyqty saltanatty túrde QR Týrızm jáne sport mınıstrligi Sport komıtetiniń tóraǵasy Elsııar Qanaǵatov pen "7-shi qysqy Azııa oıyndaryn uıymdastyrý komıtetiniń atqarýshy dırektsııasy" AQ prezıdenti Anatóli Qulnazarov ashty.

E.Qanaǵatovtyń aıtýynsha, Azııa oıyndary Qazaqstandy halyqaralyq deńgeıde tanytý jáne nasıhattaý maqsatynda uıymdastyrylyp otyrǵandyqtan, ortalyqqa qoıylǵan zattarda ulttyq naqyshtar barynsha qamtylǵan.

Oıyndardyń ótkizilýi kezinde munda sondaı-aq, jarystardyń baǵdarlamasyn, saıystardyń nátıjesin, Astana qalasy týraly qosymsha aqparattardy alýǵa bolady.