Búgin Astanada 674 mektep túlegi UBT tapsyrdy
ASTANA. QazAqparat - Ulttyq biryńǵaı testileý 2, 3, 4, 5 jáne 6 maýsym kúnderi qalanyń úsh joǵary oqý orny - QazMZÝ, L.Gýmılev atyndaǵy EUÝ, S.Seıfýllın atyndaǵy QazATÝ-diń bazasynda ornalasqan úsh pýnktte ótedi.
Bul týraly elordanyń bilim basqarmasynan habarlady. «Astana qalasynda 2014-2015 oqý jyly mektep qabyrǵasynan 4407 túlek ushady. Olardyń 3554-i UBT-ǵa qatysady, «Altyn belgige» úmitkerler sany - 173. Mektepte 835 oqýshy dástúrli emtıhan tapsyrady, olardyń ishinde 398-i - halyqaralyq olımpıada jeńimpazdary, 18-i - densaýlyǵyna baılanysty bosatylǵandary», - delingen habarlamada. 2015 jylǵy 2 maýsymda UBT 2 pýnktte ótti. Sonymen, L.Gýmılev atyndaǵy EUÝ-inde oǵan 501 oqýshy qatysty, olardyń 184-i testileýdi qazaq tilinde, 317-si - orys tilinde tapsyrdy. S.Seıfýllın atyndaǵy QazATÝ-de oǵan 173 oqýshy qatysty, olardyń 69-y qazaqsha, 104-i - orys tilinde tapsyrdy. UBT-ǵa qala boıynsha barlyǵy 674 oqýshy qatysty. Olardyń 253-i - qazaq tilinde, 421-i - orys tilinde tapsyrdy.
