Búgin Astanada 2011 jylǵy qysqy Azııa oıyndarynyń Alaý estafetasyna alaýgerlerdi irikteý saltanatty túrde bastaldy
ASTANA. Qyrkúıektiń 15-i. QazAqparat /Gúlmıra Álıakparova/ - Búgin Astanada 2011 jylǵy qysqy Azııa oıyndarynyń Alaý estafetasyna alaýgerlerdi irikteý saltanatty túrde bastalǵandyǵyna arnalǵan shara ótti.
Alaýgerlerdi irikteý Alaý estafetasyna daıyndyq úrdisiniń eń jaýapty ári qıyn kezeńi. QR Týrızm jáne sport mınıstrligi Sport komıtetiniń tóraǵasy Elsııar Qanaǵatovtyń pikirinshe, Azıada oıyndary úlken ulttyq sport merekesi bolǵandyqtan, Alaý estafetasynyń mańyzy óte joǵary.
Іrikteý protsesine erekshe kóńil bólinedi. Alaýgerler retinde belgili sportshylar, sporttyq jetistikteri bar, elge eńbegi sińgen, olımpızm ıdeıasyn jaqtaýshy azamattar tańdap alynady.
Úmitkerlerdiń tizimderin oblys ákimderiniń tóraǵalyǵymen qurylǵan komıssııalar bekitedi. Al sońǵy tizimdi Týrızm jáne sport mınıstri Temirhan Dosmuhambetov tóraǵalyq etetin respýblıkalyq komıssııa bekitedi.
Qazaqstan boıynsha barlyǵy 1020 alaýger iriktep alynady. Ár oblystan - 60, Astanadan - 100 jáne Almaty qalasynan - 80 adam qatysady.
Eske salaıyq, 7-shi qysqy Azııa oıyndarynyń Alaý estafetasy 2011 jylǵy qańtardyń 1-i kúni El-Kýáıt qalasynda saltanatty túrde bastaý alady. Keıin Estafeta 20 kún boıy Qazaqstannyń túkpir-túkpirinde bolyp, qańtardyń 30-y kúni Astana qalasyna oıynnyń ashylý rásimine jetkiziledi.
