Búgin Astana men taǵy eki qalada aýa sapasy nasharlaıdy

ASTANA. QazAqparat – Búgin elimizdiń 3 qalasynda aýa sapasy nasharlaıdy, dep habarlaıdy QazAqparat «Qazgıdrometke» silteme jasap.

Atap aıtqanda, seısenbi kúni Astana, Almaty qalalarynda, túnde Atyraý qalasynda aýanyń lastanýynyń qolaısyz meteorologııalyq jaǵdaıy kútiledi.

Ózge shaharlarda aýa sapasy norma sheginde bolady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.