Búgin astana men Pavlodarda aýa sapasy buzylady

NUR-SULTAN. QazAqparat – 14 shilde kúni Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.

«Qazgıdromet» RMK málimetinshe, beısenbide elimizdegi qalalardyń basym kópshiliginde atmosferalyq aýa sapasy birqalypty bolady.

Tek Nur-Sultan jáne Pavlodar qalalarynda ǵana qolaısyz meteorologııalyq jaǵdaı kórinis tabýy múmkin.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.

Ashyq kózderden alynǵan ıllıýstratsııalyq foto