Búgin Astana men Almaty qalalarynda aýa sapasy nasharlaıdy
ASTANA. QazAqparat - Búgin 2 qalada aýa sapasy nasharlaıdy, dep habarlaıdy QazAqparat Qazgıdrometke silteme jasap.
«26 qarasha kúni Astana, Almaty qalalarynda qolaısyz meteorologııalyq jaǵdaılar kútiledi», - delingen sınoptıkter málimetinde.
Elimizdiń ózge qalalarynda aýa sapasy norma sheginde bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
