Búgin Astana men 8 qalada aýa lastanady
Búgin Qazaqstannyń 9 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RMK-na silteme jasap.
«2023 jylǵy 18 qyrkúıekte Qaraǵandy, Temirtaý, Almaty, Petropavl, Pavlodar, Óskemen, Rıdder, Aqtóbe qalalarynda, túnde Astanada aýanyń lastanýynyń qolaısyz meteorologııalyq jaǵdaılary kútiledi»,-delingen habarlamada.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
